Haddii Aad Isku Aragtid 10-Kaan Calaamadood MID KA Mid Ah Si Deg-deg Ah Daryeel Caafiimaad U Raadso!

1. Miisaanka oo si lama filaan ah hoos uga dhaca

Sabab: Kansar, macaanka (sonkorow), ama dhibaato xagga qanjirka ah (hyperthyroidism).

Tusaale: Waxaad lumisay 5kg muddo bil ah adigoon ku talagalin.

2. Neef qabatin (neefsashada oo kugu yaraata)

Sabab: Xanuunka wadnaha, sambabada, ama xasaasiyada.

Tusaale: Waxaad neef la’aan dareentaa markaad socoto masaafo yar.

3. Xanuun laabta ah ama cadaadis

Sabab: Wadno xanuun (heart attack), calool xanuun ama xabadka.

Tusaale: Waxaad dareemeysaa laabta oo ku culus markaad oroddo ama xataa markaad nasaneeyso.

4. Madax wareer ama suuxdin Mudo ah

Sabab: Dhiig-yaraan, macdanaha qaar oo jirka ku yar, sonkorta dhiiga oo hooseysa, ama cadaadiska dhiigga oo hooseeya.

Tusaale: Marka aad istaagto si lama filaan ah ayaad wareer dareemaysaa.

5. Qandho aad u daran oo aan ka dhammaan

Sabab: Caabuq (infection), duumada, ama dhibaato kale oo daran.

Tusaale: Qandho joogto ah oo ka badan 39°C muddo saddex maalmood ah.

6. Dhiig ku jira kaadi ama saxaro

Sabab: Boog caloosha ah, infection, ama kansar.

Tusaale: Waxaad arkaysaa saxaro madow ama dhiig leh ama audio kale kaadida oo dhiig leh.

7. Matag joogto ah ama daran

Sabab: Caabuq caloosha, cunno sun leh, ama madax xanuun daran.

Tusaale: Waxaad matageysaa dhowr jeer maalintii adigoon wax cunin.

8. Maalmo badan oo jahawareer ah ama xasuustada oo lumaysa

Sabab: Stroke (Faaliga), sonkor-hoosid, ama xanuunka maskaxda.

Tusaale: Waxaad hilmaantaa meesha aad joogto ama dadka ku xeeran.

9. Daal joogto ah iyo hurdo la’aan 

Sabab: Dhiig-yarida, qanjirka 'thyroid', ama niyadjab.

Tusaale: Xitaa markaad seexato, wali waad dareemaysaa daal iyo tamar la’aan.

10. Barar ama buro cusub oo jirka ka soo baxda

Sabab: Kansar,Caabuqa, ama cyst.

Tusaale: Waxaad taabataa buro adag oo aan xanuun lahayn taasoo sii weynaaneysa meel kamid ah jirka.

 Fariin Muhiim Ah:

Fadlan Ha sugin inta xaaladdu ka sii darayso . Haddii aad mid ka mid ah calaamadahan leedahay ama is ku aragto ee la xiriir dhakhtar si dhakhso ah.