5 Cunto dabiici ah oo leh faa'iidooyinka ka hortagga Bararka!

Caabuqa ama Bararku ma aha mid markasta si dabiici ah u xun-xaqiiqdii, bararka qaarkiis waa hab dabiici ah oo caadi ah oo ALLE ugu talagalay bogsashada dhaawaca iyo ka jawaab celinta jirkeena ee dhaawaca deg-dega ah.

Si kastaba ha ahaatee, Bararku wuxuu noqdaa mid khatar ah marka uu sii socdo muddo dheer. Bararka, marka uu daba-dheeraado, ama muddada dheer oo aan la xakameynin, waxaa uu si xun u saameyaa jirkeena iyada oo loo marayo unugyada oo waxyeello gaarto taas oo keeni karta cudur iyo Xanuun daba-dheeraada. Cudurada Wadnaha, Kala-goysyada, Kansarka, iyo cudurrada Neef-mareenka ayaa dhamaantood ka bilowda caabuq dabadheeraaday.

Halkaan waxa aan kugu Soo gudbin donaa 5 doorasho dabiici ah oo ku habboon in lagu daro Cuntadaada.

1.Sanjibiisha 

Sinjibiishu waxaa ay ka hortagta Bararka. Caabuqyada ama Bararka qaarkood waa caadi, laakiin caabuqa daba dheeraada waxaa ay dhaawici karaan unugyada Jirka iyo kala-goysyada waxaa ayna sare u qaadi karaan khatarta cudurada. cunto dheellitiran oo ah mid nafaqo leh ayaa muhiim ah si looga hortago Bararka.

Sinjibiishu waa mid kamid cuntooyinka ka hortaga Bararka oo si fiican loo yaqaan iyada oo ay ugu wacan tahay awoodeeda dabiiciga ah ee u gaarka ah, iyada oo ay ku jiraan shogaol, gingerol, zingerone, iyo paradol. Si kastaba ha ahaatee, sinjibiilshu maaha cuntada kaliya ee ka hortaggta bararka ee jikadeena laga helikaro.

2.Huruuda

Huruuda waxaa inta badan loo aqoonsan yahay awoodeeda ladagaalan Bararka sababtoo ah waxay ka kooban tahay curcumin-ka bioactive . Curcumin waxay taageertaa wadajirka, beerka iyo caafimaadka maskaxda mana aha mid yar awoodeeda Daaweynta Bararku. 

waxa lagu walaaqi karaa maraq, ama waxaa lagu shiilan karaa suugo iyo dhaymo ahaan. Huruudu waa mid aan isebedelayn mudo dheer.

3.Shaaha cagaaran

Shaaha cagaaran wuxuu ku siinaya kor u kaca iyo xoojin subaxa hore ah, laakiin sidoo kale waxaa ku jira maadoyin ka hortagga caabuqa sida EGCG (epigallocatechin gallate) iyo catechins, kuwaas oo leh faa'iidooyin caafimaad oo kala duwan - oo ay kamid tahay dhimista caabuqa.

4.Saliid Seytuunka (Olive)

Saliid saytuuntu waxaa ay qani ku tahay dufanka (monounsaturated) ee ka ilaaliya unugyada waxyaabaha caabuqa keena, waxaa ay u fiicantahay madax xanuunka sidoo kale nooca (extra virgin Olive) waxaa ay u wanaagsan tahay Wadnaha iyo xididada waxaana wanaagsan in cunada lagu darsado. 

5.Kalluunka Dufanka leh

Kalluunka dufanka leh sida salmon iyo sardines ayaa ka mid ah ilaha ugu wanaagsan ee (omega-3 fatty acids) gaar ahaan eicosapentaenoic acid (EPA) iyo docosahexaenoic acid (DHA), kuwaas oo ah qaar ka mid ah nafaqooyinka ka hortagga bararka ee aadka loo aqoonsan yahay.

Cuntooyinkani waxay kor u qaadi karaan caafimaadka wadnaha, shaqada maskaxda iyo wada shaqeynta wadajirka ah iyada oo ay ugu wacan tahay (anti-inflammatory omega-3 fatty acids) ee ay leeyihiin.

Marka ay timaado hoos u dhigista Bararka iyada oo loo marayo cuntada, waxaad u baahan tahay ilaalinta nidaam cunno dheellitiran oo qani ku ah nafaqooyinka ka hortagga Bararka; Tusaale ahaan, doorashada cunto ay ku badan yihiin miraha, khudaarta, borotiinnada, dufanka caafimaadka qaba ee wadnaha, cuntooyinka hodanka ku ah fiber-ka iyo cuntooyinka warshadaysan oo aad iska yareysid ayaa muhiim u ah maaraynta Caabuqa ama Bararka.